Puo Ya Rona/Our Lunguage

Pina ya Setšhaba ya Botswana

2009-03-03T20:54:00.000-08:00

Fatshe leno la rona ke pina ya setšhaba ya lefatshe la

Botswana

. E tlhamilwe ke Rre Kgalemang T. Motsete, ya bo e amogelwa ke puso ya

Botswana

fa lefatshe la

Botswana

le sena go tsaya boipuso.

Ka Setswana e opelwa jaana;

Fatshe leno la rona,
Ke mpho ya Modimo,
Ke boswa jwa borraetsho;
A le nne ka kagiso.

KHORASE:
Tsogang, tsogang! banna, tsogang!
Emang, basadi, emang, tlhagafalang!
Re kopaneleng go direla
Lefatshe la rona.

Ina lentle la tumo
La chaba ya Botswana,
Ka kutlwano le kagisano,
E bopagantswe mmogo.

KHORASE:
Tsogang, tsogang! banna, tsogang!
Emang, basadi, emang, tlhagafalang!
Re kopaneleng go direla
Lefatshe la rona.

Ga e fetoletswe kwa Sekgoweng, mafoko a yone a jaana;

Blessèd be this noble land,

Gift to us from God's strong hand,

Heritage our fathers left to us.

May it always be at peace.

CHORUS:

Awake, awake, O men, awake!

And women close beside them stand,

Together we'll work and serve

This land, this happy land!

Word of beauty and of fame,

The name Botswana to us came.

Through our unity and harmony,

We'll remain at peace as one.

CHORUS:

Awake, awake, O men, awake!

And women close beside them stand,

Together we'll work and serve

This land, this happy land!

A Go Lema Ka Nepo Go Botlhokwa?

2009-03-03T20:39:00.000-08:00

Nngwe ya dintlha tsa botlhokwa thata mo modikong wa ntshodikuno ya dijalo ke tepo ya tiragatso nngwe le nngwe. Kwa bofelong tshugommu e lebisitswe kwa go jwaleng dijalo mo mmung o o bongola. Go bona thobo e e kwa godimo ke go jwala ka nako tota, se se tlhomamisiwa ke dipula tsa dikgakologo tsa ntlha, dipula tsa selemo tse di solofetsweng, boleele jwa kgolo ya dijalo, makhubu a mogote a a tlhagelelang mo dikgweding tsa selemo le matlha a a solofetsweng a go wa ga segagane sa ntlha. Ka ntlha ya gore rakonteraka a amogela lotseno go ya ka palo ya diheketara tse a ka di berekang mo setlheng, rakonteraka o tlwaela go ipofa ka diheketara tse dintsi tse a ka di kgonang mo nakong e e siameng, a rulaganyetsa le dipaka tsa pula fa go sa kgonwe go dirwa sepe. Se se ka tsala gore tiro e dirwe thari thata kgotsa morago ga nako e e lebaneng tota gonne rakonteraka a direla molemi yo mongwe fa molemi yo o latelang a setse a letile. Go dikgetsi tse dintsi moo molemi a jalang dijalo tsa gagwe morago ga letlha la bofelofelo la go jala ka ntlha ya gore rakonteraka a sa tla ka nako.

Diane Motswana

2009-03-02T02:43:00.001-08:00

**Diane**
Seane	Tlhaloso
O se tshege yo o oleng, mareledi a sale pele	-Se re fa o bona mongwe a tlhagetswe ke tsietsi wa sotla ka ena,e tsoga e le wena o wetswe ke bomadimabe mme o tlhoka kutlwelobotlhoko
O se bone nong go rakalala godimo, go ya tlase ke ga yone	- Motho le fa a ka nna le madi kgotsa botshelo jo bontle jang kgotsa jang, go ya tlase ga gagwe go tla tswa mo go reng o itshotse jang le gore o tshotse batho bangwe jang teng godimo koo.
Meno masweu bolaya e tshega	- Ena yo o itirileng tsala ya gago, ke ene yo o go tlhanogelang a bo a ja le dira tsa gago.
Gaabo-Motho go Thebe-Phatswa	Motho o mogolo ko ga bona
Tshwene ga e ipone sekopo (mariba)	Ga go bonolo go lemoga makoa a gago kgotsa go ipona phoso.
Tshoswane e kile ya roma tlou	Go ka diragala gore mmotlana a laole mogolo.
Tsebe e ya moletlong e sa o lalediwa	Motho o a tle a utlwe mafoko a a sa tshwanelang go a utlwa
Magogwe o belaela lemepe	Go dumela sengwe kgotsa thulaganyo o ntse o belaela
Tlhotsa pele ga se swa pele	Go kgorelediwa ke mathata pele ga ba bangwe ga go kae gore ga o ye go atlega
Mayo le maboo ga a itsewe	Tse di tla diragalang ga di itsewe
Tladi e bogale e sa tswa marung	Botlhoko jwa tiragalo e e masisi bo fokotsega morago ga lebaka
Thukhwi o rile : "Ke lebelo". Marota a re : "Ke Namile".	Mo botshelong motho a se ka a tshepa gore a ka bo kgona a le esi
Tedutshweu ga se botsofe	Setshwano sa motho se na le go go tsietsa
Mhinyana o a swa, selepe se sale	Leina le ditiro tsa motho di sala di itsege ena a setse a ile
Seyabogwe se tletse, se boa se tletse	Fa o se ngame kgotsa fa o thusa ba bangwe ka dilo tsa gago, le bona ba tla go tshola ka mokgwa oo
Kgomo megobeng e wetswa ke namane	Mmagwe ngwana o tsena mathateng ka ntlha ya ngwana.
Tadi e amusa	Motshegare o mogolo
O se bone tholwana borethe, teng ga yone go a baba	- Ga se gore motho fa a le montlentle, le mekgwa ya gagwe e ntse fela jalo
Tshipo o rile ke lebelo, marota/motlhaba wa re ke namile	- Motho le fa a ka dira bobe mme a re o a siya, o tla bo a nne a tshwarwe la bofelo.
seboba re bata sa mokwatla, sa mpa re a mpampetsa	O ka itshwarela mo ga eno go na le motswakwa
Phokojwe ga a ko a latlha mosesele e le wa gagwe	Motho ga a kake a latlha mekgwa ya gagwe
Phokoje go tshela yo o dithetsenyana	- Motho go tshela yo o botlhale
Kgosi ke kgosi ka malata	- Motho ke motho ka batho
Mafoko a kgotla a mantle otlhe	-
Moroto o o esi ga o ele	-Motho a le esi a ka se kgona go dira tiro e e bonagalang(Motho ke motho ka batho ba bangwe)
Kgetsi ya tsie e kgonwa ka go tshwaraganelwa	Batho ba dira tiro botoka fa ba e dira ba e kopanetse
Mabogo dinku a thebana	Batho ba dira tiro botoka fa ba e kopanetse
Tloga tloga o tloga gale, modisa wa kgomo o tloga nayo	- Go dira tiro go santse go le phakela go phala go e dira letsatsi pele ga e tlhokiwa
Bana ba motho ba kgaoganya tlhogo ya tsie	Bana ba motho ba kgaogana sengwe le sengwe le fa seka nna sennye jang
Bojang jwa pitse ke jo bo mo mpeng, jo bo mo ganong e swa e bo hupile	-Sa motho ke se a nang naso, se a iseng a se fitlhele ga ise e nne sa gagwe.
Kgosi thothobolo o olela matlakala	- Moeteledipele o rwala maikarabela a balatedi bagagwe
Bontle bo nale dibelebejane	-
Mmangwana o tshwara thipa ka mo bogaleng	-
Sedikwa ke Ntsa-pedi ga se thata	- Tiro ga e nke e pala fa e tlhakaneletswe
Ngwana yo o tlhogo kgolo o sira rragwe	- Ngwana yo o senang maitseo o palela motsadi wa gagwe.
Susu o ilela suswane, gore suswane a tle a mo ilele	-Fa o le ko godimo ka maemo, o tshanetse go rekegela ba ba botlana mo go wena

Maele Motswana

2009-03-02T02:40:00.000-08:00

Maele	Tlhaloso
Go loma tsebe	Go sebela
Go tlhaba podi matseba	Go itsese
Go tlhaba kgobe ka mmutlwa	Go iketla, kana go tsaya nako ya gago
Go baya pelo	go se fele pelo
Go betsana ka noga e utlwa	Go ngangisana
Go tsena ka lenga la seloko	Go nyelela.
Go nna tsebe ntlha	Go reetsa ka tlhoafalo.
Go a akga loleme	Go bua maaka
Go epela selepe	Go dira kagiso
Go utlwa ka tsa ga morakile	Go sa utlwe sentle.
Go tshosa magotlo	Go rota
Go itaya sefololetse	Go sa tswele pele/Go retelelwa
Go nna gopane wa moikapari	Go sotlega
Go loma ka tlhaa	Go tshwara bo thata
Go ja masepa a balekane ba gago	Go sotlega
Go nna ka diatla	Go se dire sepe/Go nna botswa.
Go nna tsebe di telele	Go rata mafoko a a sa go ameng
Go itaana ka noga e tshela	Go ilana tota/Go tlhoana
Go nna modidi wa nta e e motopo	Go humanega mo go utlwisang botlhoko
Go ja motho nko e sa butswa	Go garomela motho o sa mofe sebaka sa go itlhalosa
Go nna modidi wa nta ya selomela kobong	Go nna letsipa
Go ja motho direthe	Go seba mongwe
A e nne modiga	A e nne kagiso
Go itaya kgomo lonaka	Go bua boammaaruri
Go itlantla loleme	Go tlhoka mafoko a a supang bonnete
Go ema motho nokeng	Go thusa motho
Go tsena motho ganong	Go bua motho yo o mongwe a santse a bua
Go e nametsa thaba e tlhotsa	Go oketsa mathata a yo mongwe ka puo
Go ikoketsa marago ka majwe	Go itira yo o botoka
Go rothisa mmutla madi	Go bua sephiri
Go nya phuti boloko	Go sia o tshaba
Go nna disanyana	Go seka
Go itshela moriti o o tsididi	Go itira yo o sa utlweng fa motho a bua le wena
Go tlhanola direthe	Go tshaba

PINA YA SETŠHABA SA AFRIKA BORWA

2008-10-04T00:46:00.000-07:00

Nkosi Sikelel' iAfrika e tlhamilwe ka 1987 ke Enoch Sontonga, morutabana wa Methodist. E simolotse e le pina ya go rorisa Modimo, empa morago, ya dirisiwa ke bo rradipolotiki go lwantsha puso ya Apartheid. Die Stem van Suid-Afrika e ne e le poko e e kwadileng ke C.J. Langenhoven ka 1918, e ne ya dirwa pina ke Moruti Marthinus Lourens de Villiers ka 1921.

Puso e tšha ya Afrika Borwa ka tlase ga Boeteledipele ba ga Nelson Mandela, dipina tse pedi, di ne tsa dirisiwa jaaka pina tsa Setšha magareng ga 1995 le 1997, mo dineng dia momaganywa go dira pina e nosi.

	English
(Xhosa) Nkosi sikelel' iAfrika Maluphakanyisw' uphondo lwayo, (Zulu)Yizwa imithandazo yethu, Nkosi sikelela, thina lusapho lwayo.	God bless Africa May her glory be lifted high Hear our petitions God bless us, Your children
(Southern Sotho) Morena boloka setjhaba sa heso, O fedise dintwa le matshwenyeho, O se boloke, O se boloke setjhaba sa heso, Setjhaba sa.	God we ask You to protect our nation Intervene and end all conflicts Protect us, protect our nation, our nation
(English) South Africa, South Africa!
(Afrikaans) Uit die blou van onse hemel, Uit die diepte van ons see, Oor ons ewige gebergtes, Waar die kranse antwoord gee,	From the blue of our heaven, From the depths of our sea, Over our eternal mountain ranges, Where the cliffs give answer,
(English) Sounds the call to come together, And united we shall stand, Let us live and strive for freedom, In South Africa our land.

Setswana: DIALE LE MAELE/IDIOMS and PROVERBS

2008-10-04T00:33:00.000-07:00

Maele a farologana le diane gonne popego ya maele e ka fetolwa, go diriswa mo pakapheting, pakaisagong. Tatelano ya mafoko a a mo kagong ya leele, e ka rojwa mme ga tsengwa mafoko a mangwe. Lebelela leele le le latelang:

Go loma tsebe jaaka:

Ke go lomile tsebe-pakapheti

Ke tla mo loma tsebe-pakaisago

Ke lomile kgosi le morafe tsebe-kago e robilwe

Maele a dirisiwa go nontsha le go natetsha puo:

Ga a rute ope jaaka diane di dira. Maele a ikaegile ka lediri mme diane di dirisa leina. Ka popego maele a tlwaelegile ka go dirisa modiriso-go wa goyagoile.

Dikao

Go tlhaba kgobe ka mmutlwa

Go tlhajwa ke ditlhong

Go baya tema

Go baya pelo

Go gata tlhakwana

Maele mangwe a fitlhelwa ka popego ya leina le le salwang morago ke letlhophi. Fa le eme le le losi, le dirisa letiro(go nna).Matlhophi a a agang mofuta o wa maele, e ka nna matlhaodi, marui kana gongwe maamanyi.

Dikao:

Bana ba monna ( lerui)

Ngwana wa ngwako (lerui)

Ngwana wa badimo ( lerui)

Motho wa batho ( lerui)

Dinala (tse) ditelele ( letlhaodi)

Tsebe (e e ) ntlha ( leamanyi)

Tlhogo e e boleta ( leamanyi)

Diane

Diane di kaiwa e le ditlhangwa tse di re tlhabang botlhale. Tiro ya tsona ke go laya, go tsibosa le go ruta ka kakaretso. Seane se dirisa puo ya poko gonne se buiwa ka mafoko a makhutshwane a papiso etswe palo e potlana e, ya mafoko e senola botlhale le boammaruri jo bo feleletseng.

Diane tsa Setswana ke bosupi jo bo ka se ganediweng jwa boitemogelo jo bo tebileng, kelotlhoko e e supang leitlho le le tseneletseng le maatla le kgono ya go tlhopha mafoko mo go batlhami ba tsona. Diane di bontsha gore go kile ga nna motlha mo Setswaneng, wa bokgabo jo bogolo jwa puo le maemo a a kwa godimo a botlhami- motlha o o ka se tshwantshanngweng le ope gape mo ditiragalong tsa Setswana go fitlha gompieno.

Diane tsa Setswana di supa popego e e rileng. Popego e, e botlhokwa mo go baithuti ba Setswana, mme e bile ke thutokgolo ka boyona. E bontsha botlhokwa jwa go tlhopha mafoko ka tlhoafalo fa e le gore bokgabo jwa puo bo tshwanetse go senolwa; e bontsha pabalelo ya mafoko, ke go re a se gasagaswe fela ka botshwakga le boatla. Diane ga di dirise mafoko a le mararo fa go ka dirisiwa le le lengwe fela. Kgolagano ya mafoko mo dianeng e akantswe ka botswerere gore e nne yona fela e e ka tlhalosang maikaelelo a mmui go gaisa tatelano efe ya mafoko. Ka foo, diane di ntse jaaka difikantswe tsa maatlametlo a Motswana wa maloba.

(a) Mo tirisong, popego ya tsona ga e a tshwanela go fetolwa ka gope. Diane di dirisiwa jaaka di ntse. Le fa go ntse jalo, mekgwa e seane se tlhajwang ka yona mo merafeng e e farologaneng ya merafe ya Batswana, e a dumelwa. Ga go letlelesege go fetola popego ya seane se tshwana le; ( O se bone nong go rakalala godimo, go tla fatshe ke ga yona) Fela go a letlelesega go tlhaba seane se ka mokgwa o mongwe, jaaka fa motho a ka re ; ( o sebone nong go akalala godimo, goya fatshe ke ga yona). Fa seane e le

pelo e ja serati, sebatlelwa ga e ka ke ya se ja

, ke boatla, mme bo ka se itshokelwe.

Dintlha tsa botlhokwa malebana le popego ya diane, ke tse di latelang:
(i) Tekatekano ya dikarolo: Bontsi jwa dipolelo tsa diane bo kgaolwa ka diripana tse pedi tse di lekalekanang:

Dikao :

O se bone nong go rakalala godimo go ya fatshe ke ga yona.
Lepotlapotla le ja podi/ modikologa o ja pholo ya tona.
Moremogolo go betlwa wa taola/ wa motho o aipetla.
Moaga tshwene leratla/ o e lebatsa ka mogwang.

( ii) Tlhatlagano

( Parallelism)

Tlhatlagano e raya go boelediwa ga karolo ya ntlha ya seane fa e boelediwa mo karolong ya bobedi. Mofuta o wa tlhatlagano o fitlhelwa le mo mabokong. Tlhatlagano ya diane e boeletsa fela bontlhabongwe jwa karolo ya ntlha kana mafoko mangwe a karolo ya ntlha, mo karolong ya bobedi ya seane; dikao. Susu ilela suswane, gore suwane a go ilele. Morwa o bone nene, none ya bona morwa
Modirwa ga a lebale, go lebala modiri
Mogama-motho ga a botlhale, mogama-kgomo ke ene yo o botlhale.

(iii) Tlhanolo

Tshwanologo ( Contrast )

Ka tshwanologo go tewa fa bokao jwa karolo ya ntlha ya seane e kete bo kgatlhanong kana bo huralelane le bokao jwa seripa sa bobedi sa seane:

Maropeng go a boelwa, go sa boelweng ke maleng/teng

Maano ga a site, go sita a loso

Pelo e ja serati, sebatlelwa ga e se je/rate

Seboba re bata sa mokwatla, sa mpa re a mpampetsa

Lefoko ga le boe, go boa monwana.

(iv) Tatelano Ya Mafoko

Ka gonne di kwadilwe ka mokgwa wa poko, tatelo ya dikarolopuo mo dianeng fa gongwe e tle e fetolwa e nne ee sa tlwaelegang; maina a e leng didirwa a ka bewa kwa tshimologong ya polelo, gongwe matlhalosi a etelele madiri pele, boemong jwa go a sala morago.

Dikao:

Tshukudu kwa gobe e isiwa ke ngwana.

Fifing go tshwaranwa ka dikobo

Phokojwe go tshela yo o dithetsenyana

Fifing go gangwa e e lelang

(v) Mafoko a diriswa ka kelotlhoko le tshomarelo
Dikao:

Motho ke motho ka batho

Kgosi ke kgosi ka morafe

(vi) Ngotlo ya palo ya mafoko mo go bopeng diane e dirwa ka bomo, ga e welwe fela; ke ka moo go fitlhelwang:

(a) Mainatswako

Dikao:

Barata motho ba kana ka bamotlhoi

Di-sa-itsaneng di a welana

Molaya-kgosi o a itaya

Disela-mmapa ga di ratane

Barata-pako ba jewa dikobo.

(b) Go tlogelwa ga phathikele ya kopulatifi :

Dikao:

Mabogo dinku a a thebana

Kgosi thipa, e sega molotsi

Ina lebe seromo, le a roma

Mosadi tshwene o jewa mabogo

Ina lebe seromo, le a roma

Meno masweu polaya e tshega

(d) Fa gongwe tlhogo ya leina e a tlogelwa:

Ina lebe seromo, lea roma.

Phoko kgolo ga e tswe ka ngwana wa motho

Fifing go tshwaranwa ka dikobo

Re ka ruma dintlha ka ga diane, ka go umaka gore diane di le dintsi tse di fitlhelwang mo Setswaneng, di fitlhelwa le mo Sesothong sa Leboa le Sesothong sa Borwa. Mo dikaong tse di latelang, Setswana se emelwa ke tlhaka A, Sesotho sa Lebowa ke B, mme Sesotho sa Borwa ke C.

Dikao:

A. Mmangwana o tshwara thipa ka fa bogaleng

B. Mmagongwana o swara thipa ka bogaleng

C. Mangoana o tsoara thipa ka bohaleng

A. Ngwana yo o sa leleng o swela tharing

B. Ngwana wa o sa llego o hwela tharing

C. Ngoan

a sa lleng o shoela tharing.

A. Lepotlapotla le ja podi, modikologa o ja kgomo

B. Lepotlapotla le ja pudi, modikologa o ja kgomo

C. Lepotlapotla le ja podi lesisitheho le ja khomo

A. Lore lo ojwa lo sa le metsi, lwa omelela lo a robega

B. Mohlare o obja o sa le o monnyane, wa gola o a robega

C. Thupa e kojwa e sa le metsi, ya oma e a robeha

Motswedi wa tshedimosetso

BOFATSHWA JWA PUO.S.S.D MATSHEGO. Artistic Value Studio Publishers(pty) Ltd.1989
++++++++++++++++++++++++++++++++++++++++++++++++++++
English:

Idioms

Idioms are different from proverbs becaues the structure of idioms can be changed by using past tense, future tense and word succession can be changed.

For e.g. To inform :

I had informed you --- past tense

I will inform-future tense

I had informed the chief and the tribe-the structure has changed

Idioms are used to enrich speech. :

They are not informative like a proverb.Idioms uses vebs while proverbs uses nouns.

Some idioms are structured by names followed by a demonstrative and a process, selectives or conjunctions

Proverbs were used by the ancestors whenever they had to express particular ideas clearly and accurately and to avoid confusing people. The person would liken what he or she expressess with concrete things. (From the unknown to the known). People could use domestic and wild animals, natural trees, vegetation, people and body parts. They use common behaviour and charecteristics of known things and use them on things to express the idea. A proverb is well structured expression to reveal the realities of life.

Propeties of Proverbs

Setswana proverbs are rich in knowledge and they expose ways of life

Example
Self reliance.

The structure of a proverb is consistent and cannot be changed.
Example

A proveb has educational value.

Example

Structure of the Proverbs

Each proverb line has a distinctive structure. It also has critical idiomatic expression and consistent rhyme. A proverb has two parts, the first one support the idea and the last concludes it.

Look at the following examples.

Supporting part can be negative and concluding part can be positive

Example
Make hay // while the sun shines.

Supporting part can be negative and concluding part can be positive

Example
Once beaten // twice shy

Supporting part can be negative and concluding part can be positive but get separated by ending voice

Usage of the Proverbs

Proverbs are used to express an idea accurately and logically.
Proverbs are used in a language for straight forward expression
Can be used as headings for essays and discussions
Due to their structure, they could be used inpoetry

Aims for teaching Proverbs

They are the core of Setswana culture because they contain traditional Setswana custom. They provide the child with a straight forward languge. They extend the child's knowledge about his or her customs. They provide the child with broad experience and wisdom to solve difficulties of life.

ZIMBABWE: E KOPA THABO MBEKI

2008-10-01T19:22:00.000-07:00

Baeteledipele Ba Zimbabwe, ba kopile Morena Thabo Mbeki gore atle a ba eme nokeng. Se setla morago ga gore Tautona Robert Mugabe le Morgan Tshvangarai ba se ka ba fitlhelela tumelelo ya go re, ke bomang ba batlang go tshwara marapo mo kabineteng ya Puso e tšhwa ya kopanelo, go ya ka tumelelo ya 15 tsa Letswe.

Go aroganya, ga Morena Thabo Mbeki, go emile tsi, morago ga go rola marapo, jaaka e le Moperesidente wa Afrika Borwa, se se diragala morago ga gore NEC ya ANC e tsee tshwetso ya gore Thabo Mbeki a fologe setilong sa gagwe.

Mmueledi wa MDC, ebong, Rre Nelson Chamisa, are ga go ise go nne le dipuo magareng ga Zanu-PF le MDC morago ga gore baeteledipele ba mekgatlho e mebedi ba se ka ba fitlelela tumelano mo mabaneng.

Moeteledipele wa puso ya Afrika Borwa, o itsisitse gore Morena Thabo Mbeki, ga ise a dumele go tswelela e le moaroganyi magareng ga Baetapele ba Zimbabwe.

+++++++++++++++++++++++++++++++++++++++++++++++++++++++
English:

Zimbabwe's opposition Movement Democratic Change (MDC) party said today only mediation could end a stalemate in talks with President Robert Mugabe's Zanu-PF on forming a cabinet.

Former South African President Thabo Mbeki mediated a power-sharing treaty in Zimbabwe, but his position in the talks was thrown into doubt after the ruling ANC forced him to resign.

MDC spokesperson Nelson Chamisa said there had been no contact with Zanu-PF since Mugabe and opposition leader Morgan Tsvangirai failed to break the impasse in direct talks on yesterday.

A South African bureaucrat said today Mbeki had not yet agreed to continue mediating.

The talks between Zanu-PF and the MDC have reached an impasse over who will control key ministries in the unity government to be established under the September 15 power-sharing deal.

Botlhoki in Goodhope/Poverty in Goodhope

2007-11-12T00:51:00.000-08:00

Sejathlapi/English
It is alleged that about 50 people qualifying for poverty grant in Goodhope region are not receiving grants at all.

Representative governing the payments in the regions of the South and Kgalagadi, Mr. Boitumelo Lonkokile, says that, the money for poverty stricken people are constantly being returned to the office because nobody comes to claim the money. Other 126 people take their grants from the post office in Goodhope.

Mr. Lenkokile said in the meeting held on Wednesday in Goodhope, it was raised that the people are not receiving the grants, and no reasons thus far, as to why.

It is alledged that those not receiving their grants are children, and post office personnel are worried that so much money does not reach its recipients.

404 people receive grants without problems at the end of each month. Adults and those who are in need of the grants, have been edged that whenever there is a change in their residential address, they should notify the office immediately.

Mr. Lenkokile further stated that it is illegal to receive grants in both South Africa and Botswana. Those who receive grants in foreign contries must stop, otherwise corrective actions will be taken against them.

He was not pleased with the state of books of payments, some are lost and others are just filthy. And if someone loses the book of payment, it takes about three months to process a new one, and that, sometimes angers the recipients.

He further edged the people who stay with disabled people to take them to the office of Home Affairs so that they could be issued with Omang(Identity Book of Botswana) , so that they can have the privilege of enjoying ongoing developments in Botswana-BOPA

Setswana
Batlhoki ba le 50 kwa kgaolong ya Goodhope, go bolelwa fa ba sa tseye madi a bone a botlhoki gotlhelele.

Mookamela ofisi ya dituelo tsa bagodi le batlhoki mo kgaolong ya borwa le ya Kgalagadi, Rre Boitumelo Lonkokile, a re madi a batlhoki bao a nna a busiwa nako le nako ka ba sa tle go a tsaya. Batlhoki ba ke bangwe ba ba 126 ba ba tseelang madi ao kwa posong ya Goodhope.

Rre Lekokile o boletse mo phuthegong ya kgotla kwa Goodhope ka Laboraro gore batlhoki bao ga ba tseye madi ao ka mabaka a a sa itsiweng.

A re o belaela gore bangwe ba ba sa tleng go amogela madi ao ke batlhoki ba banana. O boletse fa go busiwa ga madi moo go sa itumedise badiri ba diposo.

A re ofisi ya gagwe e na le bagodi ba le 404 mme bone ba amogela sentle fa kgwedi e fela go na le batlhoki. Le fa go ntse jalo, o ikuetse mo bagolong le batlhoki bao ba amogelang gore fa ba hudugela kwa lefelong le lengwe, ba bolelele ba ofisi ya dituelo tsa bagodi go dira dithulaganyo le bagodi ba kgaolo eo.

O boletse gore ke molato gore motho a amogele kwa lefatsheng la Aforika Borwa, gape a bo a amogela dituelo tsa bagodi mo Botswana.

O kopile bao ba ba amogelang madi a bagodi kwa ntle ga lefatshe leno go emisa mokgwa wa go dira jalo ka e le borukutlhi, a re motho yo o tlaa fitlhelwang a dira jalo, o tlaa tseelwa dikgato tse di mo lebanyeng.

O ne gape a re ga a itumedisiwe ke go tlhoka go tlhokomela dibukana tsa dikamogelo tsa bagodi ka di latlhega, fa dingwe di fitlhelwa di le leswe fela thata.
Rre Lonkokile a re fa dibuka di latlhegile go tsaya lobaka lwa dikgwedi tse tharo, gore go dirwe tse di sha, a re mme fa dibukana tseo di santse di baakanngwa bagodi ba a ngongorega.

O kopile batho bao ba nang le batho ba ba nang le bogole go ba ntsha kwa digotlong, ba ba direla ditlankana tsa Omang gore le bone ba tle ba akole ditlhabololo tsa lefatshe leno.-BOPA

Lefoko La Setšhaba/ Word of the Nation

2007-11-11T18:52:00.000-08:00

Sejatlhapi/English
Comfort Be To My People

Setswana is an important lunguage in or lives. Lets speak our lunguage with high degree of standard. LEFOKO, will be a blog that delivers news from Southern Africa nations, Zimbabwe, Namibia, South Africa and Botswana, if possible, news from other countries will be included.
SETSWANA

Kgotso Ba Gaetsho,

Setswana ke loleme le le botlhokwa mo botshelong jwa rona. A re bueng puo ya rona ka botswerere jo bo kwa go dimo. LEFOKO, e tla nna blog e e fitlhisang dikgana tsa dinaga tsa Afrika e borwa, Zimbabwe, Namibia, Afrika Borwa le Botswana, ga go kgonega, le dikgang tsa dinaga tse dingwe..